Maza Maharashtra

France Travel Landscape

MUGHAL GARDENS

నాలో నువ్వు

ఒంటరిగా వెళుతున్న జీవితంలోకి
అనుకోకుండా నువ్వొచ్చావు
అన్నీ తెలుసనుకునే నాకు
అనుభూతులెన్నో చూపించావు
ఎదురుచూపంటె తెలియని నాకు
ఎన్ని జన్మలయినా ఎదురుచూసేలా చేశావు
సృష్టి నిండా స్నేహం ప్రేమ రెండే గొప్పవనుకున్నాను
వీటికన్నా గొప్పది మన అనుబంధం అని తెలుసుకున్నాను
ఇద్దరు మనుషులు కలసి ఉంటేనే బంధం అనుకున్నాను
మనస్సులు కలిస్తే కూడా బంధమవుతుందని తెలుసుకున్నా
దూరంలో ఉన్నావని బాధలో ఉన్నా
నా వెంటే ఉన్నావన్న ఆశతో బ్రతుకుతున్నా ...

ఆగస్టు 7న 9 సంఖ్యల అత్యద్భుత సమ్మేళనం

On 7th August 2009, at 12hr 34 minutes and 56 secondsthe

12:34:56 07/08/09

1 2 3 4 5 6 7 8 9

This will never happen in your life again!

జ్యోతిష్యుల లెక్కల ప్రకారం శుక్రవారంనాడు ఓ విచిత్రం జరుగనుంది. ఒకేసారి తొమ్మిది సంఖ్యలు కలుస్తున్నాయి. అది 07-08-09 అంకెలతో కలిసి 01 నుంచి 09 అంకెల్లోకి మారిపోతుంది. ఇలా వెయ్యి సంవత్సరాలకు ఒకసారి వస్తుంది.

ఈ యోగం ఈసారి 7 ఆగస్టుతో రానుంది. 07 తారీఖు, 08వ నెల మరియు 09వ సంవత్సరం, ఈ అంకెలు మధ్యాహ్నం 12 గంటల 34 నిమిషాల 56 సెకండ్లకు కలుస్తాయి. ఆ సమయంలో ఈ అంకెలు 01 నుంచి 09గా వరుసక్రమంలో మారుతాయి. ఈ క్షణాలు చాలా దుర్భరమైనవని సంఖ్యాశాస్త్రజ్ఞులు తెలుపుతున్నారు.

రాజయోగం పరిస్థితి :- క్రమసంఖ్య 7 చాల గొప్పదని భాగవత పండితులు పండిట్. ఉమేశ్ భాయీ జానీ చెపుతున్నారు. 1 నుంచి 9 వరకున్న సంఖ్యలను కలిపితే 45 వస్తుంది. వీటిని కలిపితే 9 అవుతుంది. మన శరీరంకూడా 9 ద్వారాలు కలిగినది. ఈ రోజు ఉదయం గం. 8.28లనుంచి సాయంత్రం గం.4.24ల వరకు రాజయోగం బ్రహ్మాండంగా ఉంది. ఈ సమయంలో చేసిన శుభకరమైన పనులకు ఫలితాలు మెరుగ్గా ఉంటాయని ఆయన సూచిస్తున్నారు.

శుభకార్యాలకు మహోన్నతమైనది :- 1 నుంచి 9 వరకుగల సంఖ్యల్లో నవగ్రహాలుంటాయంటున్నారు ప్రముఖ సంఖ్యాశాస్త్రజ్ఞులు సంజయ్ దుల్హానీ. సంఖ్యాశాస్త్రానన్నుసరించి ఇలాంటి సమయం వెయ్యి సంవత్సరాలకు ఒకసారి వస్తుందని ఆయన తెలిపారు.

ఇలాంటి సమయంలో శుభకార్యాలు చేస్తే ఉత్తమమైన ఫలితాలుంటాయని ఆయన పేర్కొన్నారు. 9 సంఖ్యతో ఏ సంఖ్యను కలిపినా మూల్యాంకం అదే వస్తుంది. ఈ స్థితి కృష్ణపక్షంలో తిథి విదియ, తులా లగ్నం మరియు లగ్నోదయం స్వాతి నక్షత్రంలో ఈ కాలం వస్తుంది.

** ముఖ్యంగా 2, 3, 8 సంఖ్యాకులు చాలా జాగ్రత్తగా ఉండాలంటున్నారు జ్యోతిష్యులు.
** ఈ రోజు యాత్రలకు శుభసమయం
** దుర్ఘటనలనుండి జాగ్రత్తగా ఉండండి** ధనహాని కలిగే సూచనలున్నాయి, మాటలు ఆచితూచి మాట్లాడండి.
** నూతన కార్యాలను ప్రారంభించేవారికి మంచి ఫలితాలుంటాయి
** ఎవ్వరినీ విశ్వసించకండి
** నూతన కార్యాలను ప్రారంభించండి, ధనలాభం చేకూరే అవకాశాలు ఎక్కువగా ఉన్నాయి.

గుజరాత్ మోఢేరా సూర్య దేవాలయం

ప్రపంచ ప్రసిద్ధిగాంచిన మోఢేరా సూర్య దేవాలయానికి తీసుకువెళుతున్నాం. అహ్మదాబాద్‌నుంచి వంద కిలోమీటర్ల దూరంలోనున్న 'పుష్పవతి' నది ఒడ్డున ఈ దేవాలయం ఉంది. ఈ ఆలయాన్ని క్రీస్తు పూర్వం 1022-1063లో చక్రవర్తి భీమ్‌దేవ్ సోలంకి-I నిర్మించారు. క్రీస్తు పూర్వం 1025-1026 ప్రాంతంలో సోమనాథ్ మరియు చుట్టుప్రక్కలనున్న ప్రాంతాలను విదేశీ ఆక్రమణదారుడైన మహమూద్ హమద్ గజనీ తన ఆధీనంలోకి తీసుకున్నట్లు ఆ దేవాలయంలోని గర్భగుడిలో ఓ గోడపై లిఖించబడి ఉంది. గజనీ ఆ ప్రాంతాలను ఆక్రమించుకోవడంతో సోలంకీలు తమ పూర్వ వైభవాన్ని కోల్పోయారు. సోలంకి సామ్రాజ్యానికి రాజధానిగా చెప్పుకునే ' అహిల్‌వాడ్ పాటణ్ ' కూడా తన గొప్పతనాన్ని, వైభవాన్ని పూర్తిగా కోల్పోనారంభించింది.

తమ పూర్వవైభవాన్ని కాపాడుకునేందుకు సోలంకి రాచరికపు కుటుంబం మరియు వ్యాపారులు ఓ జట్టుగా ఏర్పడి అందమైన ఆలయాల నిర్మాణానికి శ్రీకారం చుట్టారు. సోలంకి కుటుంబీకులు సూర్య వంశస్థులు. వారు సూర్యుడ్ని తమ కులదేవతగా కొలిచేవారు.

కాబట్టి వారి ఆరాధ్య దైవమైన సూర్యుడ్ని కొలిచేందుకు ఓ అందమైన సూర్య మందిరాన్ని నిర్మించాలనుకున్నారు.

ఈ విధంగా మోఢేరా సూర్యదేవుని ఆలయం నిర్మితమైంది. భారతదేశంలో మూడు సూర్యదేవుని ఆలయాలున్నాయి. వీటిలో మొదటిది ఒరిస్సాలోని కోణార్క్ మందిరం, రెండవది జమ్మూలోనున్న మార్తాండ్ ఆలయం మరియు మూడవది మనం చెప్పుకుంటున్న గుజరాత్‌లోని మోఢేరాకు చెందిన సూర్య మందిరం

శిల్పకళలకు కాణాచి అయిన ఈ ఆలయంలో ప్రపంచప్రసిద్ధి చెందిన ప్రత్యేకమైన విశేషం ఒకటుంది. అదేంటంటే ఈ ఆలయ నిర్మాణంలో సున్నం ఉపయోగించకపోవడం విశేషం. ఇరానీ శిల్పకళ శైలిలో రెండు భాగాలుగా ఈ ఆలయాన్ని భీమ్‌దేవ్ నిర్మించారు. ఇందులో తొలి భాగం గర్భగుడి కాగా రెండవది సభా మండపం. మందిర గర్భగుడి లోపల పొడవు 51 అడుగుల 9 అంగుళాలు. అలాగే వెడల్పు 25 అడుగుల 8 అంగుళాలుగా నిర్మించడం జరిగింది.మందిరంలోని సభా మండపంలో మొత్తం 52 స్తంభాలున్నాయి. ఈ స్తంభాలపై అత్యద్భుతమైన కళాఖండాలు, పలు దేవతల చిత్రాలను చెక్కారు మరియు రామాయణం, మహాభారతంలోని ప్రధానమైన విషయాలనుకూడా చెక్కారు. స్థంభాల కింది భాగంలో చూస్తే అష్టకోణాకారంలోను అదే పై భాగంలో చూస్తే గుండ్రంగాను కనపడతాయి.

సూర్యోదయం జరిగిన వెంటనే తొలి సూర్యకిరణం ఈ ఆలయ గర్భగుడిలోకి ప్రవేశించేలా ఆలయ నిర్మాణం చేపట్టారు. సభామండపానికి ఎదురుగా విశాలమైన మడుగు ఉంది. దీనిని ప్రజలు సూర్యమడుగు లేదా రామమడుగు అని పిలుస్తారు. అల్లా ఉద్దీన్ ఖిల్జీ ఈ ప్రాంతాన్ని తన ఆధీనంలోకి తెచ్చుకునే సమయంలో సూర్యమందిరాన్ని పూర్తిగా ధ్వంసం చేశాడు. మందిరంలోని విగ్రహాలను తునాతునకలు చేసేశాడు. ప్రస్తుతం భారతీయ పురావస్తు శాఖ ఈ ఆలయాన్ని తన ఆధీనంలోకి తీసుకుని సంరక్షిస్తోంది.

చరిత్రలో మోఢేరా మందిరం...

స్కందపురాణం మరియు బ్రహ్మపురాణాలననుసరించి ప్రాచీనకాలంలో మోఢేరా చుట్టుప్రక్కలనున్న ప్రాంతాలను 'ధర్మరన్య' అని పిలిచేవారు. శ్రీరామ చంద్రుడు రావణుడిని సంహరించిన తర్వాత తన పాపాలకు ప్రాయశ్చిత్తం చేసుకునేందుకు, బ్రహ్మ హత్యాపాపంనుంచి బయట పడేందుకు తగిన పవిత్రమైన స్థానం చూపించమని తన గురువైన వశిష్టుడిని అడిగాడని పురాణాలు చెపుతున్నాయి. అప్పుడు గురువైన వశిష్ట మహర్షి ' ధర్మరన్య' వెళ్ళమని శ్రీరామ చంద్రునికి సలహా ఇచ్చాడు. ఆ క్షేత్రమే ఇప్పుడు మోఢేరా పేరుతో పిలవబడుతోంది.

ఇక్కడికి ఎలా చేరుకోవాలి?

రోడ్డు మార్గం : మోఢేరా సూర్యదేవుని ఆలయం అహ్మదాబాద్‌నుంచి 102 కిలోమీటర్ల దూరంలో ఉంది. అహ్మదాబాద్‌నుంచి ఈ ప్రాంతానికి చేరుకునేందుకు బస్సు మరియు టాక్సీల సౌకర్యం ఉంది. రైలు మార్గం : అహ్మదాబాద్ వరకు రైలు మార్గంగుండా ప్రయాణించి ఆ తర్వాత బస్సు లేదా టాక్సీలలో ప్రయాణించాలి. వాయు మార్గం : అహ్మదాబాద్ విమానాశ్రయం.

ఫెంగ్ ష్యూతో కాలగమనంలో మార్పులు

మానవుని జీవన గమనాన్ని ప్రకృతిలోని వివిధ అంశాలతో మిళితం చేస్తూ భవిష్యత్తును దేదీప్యమానంగా వెలుగు చూపేందుకు రూపోందించిన శాస్త్రమే ఫెంగ్ ష్యూ. మూడువేల సంవత్సరాల కిందట ఈ శాస్త్రం ఫ.సి పేరుతో చైనాలో వెలుగు చూసింది. తదనంతరం ఫెంగ్ ష్యూగా రూపాంతరం చెంది వాస్తు, అలంకరణ, జీవన విధానాలపై పెను మార్పులు తీసుకు వచ్చింది.ఫెంగ్ ష్యూ శాస్త్రం మానవుడి నిత్య జీవితానికి సూచించబడిన అంశాలు చాలావున్నాయి. ఈ శాస్త్రం ప్రకారం జీవితంలోని కీలక అంశాల్లో శక్తిని అంధించగలవని ప్రధానంగా చెపుతుంటారు. అలాగే వాస్తురీత్య ఎనిమిది మూలల్లో ఏ మూల ఎలా శుభం జరుగుతుందో ఇలా వివరించారు.

1. ఆగ్నేయం... సంపద, వృద్ది, చెక్క, ఆకుపచ్చరంగు.
2. దక్షిణం.... పేరు, ప్రతిష్టలు, అగ్ని, ఎరుపు రంగు.
3. నైరుతి... ప్రేమ, సంసారం, భూమి, పసుపు, మట్టి రంగు.
4. తూర్పు... ఆరోగ్యం, కుటుంబం, చెక్క, ఆకుపచ్చ రంగు.
5. పడమర... భావుకత, సంతానం, లోహం, తెలుపు, బూడిదరంగు, మెటాలిక్ రంగు.
6. ఈశాన్యం... జ్ఞానం, విద్య, భూమి, పసుపు, మట్టి రంగు.
7. ఉత్తరం... వృత్తి, నీరు, నీలం, నలుపు రంగు.
8. వాయవ్యం... యానం, పరోపకారం, లోహం, తెలుపు, బూడిద రంగు, మెటాలిక్ రంగు.